घट्यो सुनको मूल्य

काठमाडौं, ११ असोज। नेपाली बजारमा आज सुनचाँदीको मूल्य घटेको छ ।

नेपाल सुनचाँदी व्यवसायी महासंघले छापावाल सुन प्रतितोला ६०० रुपैयाँ घटेर छापावाला सुनको भाउ आज तोलाको ९३ हजार ३ सय रूपैयाँमा कारोबार भइरहेको छ ।

शुक्रबार बिहिबारको तुलनामा तोलामा ८०० रुपैयाँ बढेर छापावाला सुन ९३ हजार ९ सय रुपैयाँ पुगेको थियो ।

आज तेजावी सुनको मूल्य पनि घटेको छ । आज तेजावी सुन प्रति तोला ९२ हजार ८०० रुपैयाँ रहेको छ । शुक्रबार तेजावी सुन प्रति तोला ९३ हजार ४०० रुपैयाँमा कारोबार भएको थियो ।

चाँदीको भाउ आज १० रुपैयाँले घटेर तोलाको ११ सय ५० रुपैयाँ कारोबार भैरहेको महासंघले जनाएको छ ।

Published On: Time : 12:45:52  37पटक हेरिएको

तपाईको प्रतिक्रिया