‘साक्च्योङ’ मञ्चन हुँदै

काठमाडौँ, ३१ असार  । याक्थुङ्हरुको मौलिक पर्व सिसेक्पा तङनाम (साउने संक्रान्ती) २०७६ को अवसरमा याक्थुङ मुन्धुमी नाटक “साक्च्योङ” मञ्चन हुनेभएको छ । किरात याक्थुङ चुम्लुङ केन्द्रीय कार्यसमितिको आयोजनामा साउन १ गते चुम्लुङ्हिम ललितपुरमा मञ्चन हुने नाटक वरिष्ठ लिम्बू नाटककार सागर केरुङ्ले लेखेका हुन भने वरिष्ठ चलचित्र निर्देशक/पुरानो नाटक निर्देशक सुर्यप्रकाश चेम्जोङले गरेका छन । कियाचु लिम्बू साँस्कृतिक परिषद केन्द्रीय समितिको प्रस्तुतिमा मञ्चन हुने नाटकमा मौसम इम्बुङ(फु?लेन्देको बाउ),सैलेन्द्र थेबे,दिनेश माङ्मु, मिना मादेन नुमाफुङ,उदय बेघा, संगीत आङ्खेवा, कविता ओख्राबु (माक्सती) छयम चेम्जोङ, मनु थक्लुङ, नुमा सेर्पा, इन्दु सम्बाहाम्फे, सेमी चेम्जोङ, माइकल तुम्बापो, सरिता राइ लगायतले अभिनय गर्नेछन । यादन सेर्मा र गंगा फियाकको स्वर रहेको छ भने नाटकमा मुन्धुम पेन्युक, माङघ पेन्युक र ताम्के पेम्युकजस्ता महत्वपूर्ण लिम्बू लोकवाङ्मयको प्रयोग गरिएको बताइएको छ । साक्च्योङमार्फत सिक्सेक्पा तङ्नाम र याक्थुङ समुदायको सम्बन्धबारे प्रस्ट्याइने परिषदका अध्यक्ष गोबिन्द आङ्बुङ्ले बताए ।

Published On: Time : 13:49:21  103पटक हेरिएको

तपाईको प्रतिक्रिया