पथरीको होटलहरुमा सीसीटिभी राख्न पहल

मोरङ । मुख्य सडकसँग जोडिएको मोरङको पथरीशनिश्चरे नगरपालिकाको प्रत्येक होटलहरुमा सुरक्षाको लागि सीसीटिभी राख्न पहल थालिने भएको छ ।

नजिकिँदै गरेको चाडमा हुने सुरक्षा चुनौतिको बिषयमा इलाका प्रहरी कार्यालय पथरीले बिहिबार होटल सञ्चालकहरुलाई बोलाएर छलफल गरेको थियो ।

होटल व्यवसाय संघका पदाधिकारी र प्रहरीवीच भएको छलफलमा राति ९ बजे होटलको सटरहरु बन्द गरिसक्ने, लजमा बस्न आउने व्यक्तिहरुको परिचय खुल्नेगरी लगबुक राख्ने र काउन्टरमा सीसीटिभी राख्न पहल गर्ने निर्णय भएको प्रहरी प्रमुख डीएसपी लक्ष्मीराज अधिकारीले बताए ।

छलफलमा होटाल व्यवसाय संघको अध्यक्ष पृथ्वी मगर, सहसचिव पूर्ण कार्की, सल्लाहकार धनप्रसाद साँबा, सदस्य विजय चाम्लिङ लगायतको उपस्थिति रहेको थियो

Published On: Time : 10:46:30  40पटक हेरिएको

तपाईको प्रतिक्रिया